सिलगढी : संयुक्त मोर्चा प्रार्थीहरूको समर्थनमा वाम तथा कङ्ग्रेसको छात्र संगठन एसएफआई र छात्र परिषद्ले आज संयुक्त र्यालीको आयोजना गर्यो। सिलगढीको महात्मा गाँधी मोड (एयरभ्यू मोड)-बाट एउटा र्याली निकालेर सहरको विभिन्न पथहरूको परिक्रमा गरेपछि अन्तमा बाघाजतीन पार्कमा पुगेर समापन गरियो।
उक्त र्यालीको माध्यमद्वारा एसएफआई तथा छात्र परिषद्ले सिलगढीवासीहरूलाई संयुक्त मोर्चाका प्रार्थीहरूको समर्थनमा मतदान गरेर विजय बनाउने अपील पनि गरे। यसको साथै तिनीहरूले सिलगढीमा आर्टल कलेज, इञ्जिनियरिङ कलेज, फार्मेसी कलेजको स्थापना, एसएससी, पीएससी परीक्षाको माध्यमद्वारा परीक्षार्थीहरूको नियुक्ति लगायत विविध मागहरू उठाए।