सरस्वती स्वनिर्भर दलद्वारा महानदीदेखि सिविटार जाने सड़कको सर सफाई

खरसाङ : खरसाङ खण्ड अन्तर्गत महानदी ग्राम पञ्चायतको सिविटार तेरेस गाउँको सरस्वती स्वनिर्भर दलद्वारा महानदीदेखि सिविटारसम्म जाने बाटोका नालाहरू र पानी बग्ने ड्रेनको सर-सफाई गरे। सरस्वती स्वनिर्भर दलका सदस्यहरूले सिविटारको 5 नम्बर गाउँको उकालो सड़कको बिग्रेको ठाउँतिर सर सफाई गरेका छन्। गाड़ी चालक दाजु भाइहरूलाई धेरै असुविधा भइरहेको कारणले तेरेस गाउँको सरस्वती स्वनिर्भर दलद्वारा चालकहरूलाई केही सहयोग होस् भनेर सड़कको सर सफाई गरेको बताइएको छ। सड़कमा निस्केका ढुंगाहरूले गर्दा गाड़ी कुदाउन धेरै असुविधा भइरहेको कारणले बाटोमा माटो र ढुंगा हटाउने र सकड़का नालीहरुको सर-सफाई गर्ने काम तिनीहरूले गरे। सरस्वती स्वनिर्भर दलका सदस्यहरूको उपस्थित भएर उक्त सामजिक कार्य गरेको जानकारी दलकी सदस्या रिना प्रधानले जानकारी गराएकी छन्।