साथीको घरबाट झुन्डिएको अवस्थामा शव उद्धार

फुलबारी : साथीको घरमा झुन्डिएको अवस्थामा फुलबारीमा एकजनाको शव उद्धार भएको छ। उक्त घटना फुलबारी 2 नम्बर ग्राम पञ्चायतको पश्चिम धनतला इलाकामा घटेको हो। मृतक व्यक्ति पूर्व धनतला निवासी मङ्गल पाल पेशाले टोटो चालक थिए। प्राप्त जानकारी अनुसार फुलबारी पश्चिम धनतला निवासी सञ्जय मल्लिकको घरमा आएर मङ्गल पालले आज दिउँसो गलामा पासो लगाएर आत्महत्या गरेको बताइएको छ। घटनापछि पुलिसलाई खबर दिएपछि एनजेपी थाना पुलिस घटनास्थलमा पुगेर शव उद्धार गरेर पोस्टमार्टमको लागि पठाउनको साथै घटनाको जाँच शुरू गरेको पुलिस सूत्रले जनाएको छ। यस सम्बन्धमा सञ्जय मल्लिकले भने, प्रतिदिन झैँ आज पनि आफू काममा गएको थिए। दिउँसो घर फर्किआएपछि झुन्डिएको अवस्थामा मङ्गलको शव देखे। मङ्गल कहिले मेरो घरमा आएको भन्ने विषयमा आफूलाई थाहा छैन। केही दिनदेखि मङ्गलसित मेरो कुराकानी समेत भएको थिएन। तथापि, के कारणले गर्दा मङ्गलले आत्महत्या गरेको भन्नेबारे केही थाहा नभएको तिनले बताए।