सेभोक बाघपुलबाट हाम फालेर आत्महत्या गरे सिलगढीका युवकले

सिलगढी (निसं):  सिलगढीका एकजना युवकले सेभोक बाघपुलबाट टिस्टा नदीमा हाम फालेर आत्महत्या गरेको छ। मृतक युवकको नाम गौराङ्ग मण्डल बताइएको छ।  तिनी सिलगढीको दक्षिण शान्तिनगरको विनय मोड इलाका निवासी थिए। उक्त युवक हिजो बिहान घरबाट निस्केका थिए। यसपछि तिनले आफन्तलाई फोन गरेर आत्महत्या गर्दैछु भनेर जनाएका थिए। यसको केही क्षणमा तिनले बाघपुलबाट टिस्टा नदीमा हाम फालेर आत्महत्या गरेको बताइएको छ। घटनाको खबर पाएर परिवारका सदस्यहरू सेभोक बाघपुल पुगेका थिए। के कारणले गर्दा उक्त युवकले आत्महत्या गरेको हो भन्ने विषयमा थाहा लागेको छैन।