श्रम मन्त्री बेचाराम मन्नाले दार्जिलिङको गिङ चिया कमानको गरे स्थलगत निरीक्षण

दार्जिलिङ : गोर्खा जनमुक्ति मोर्चा अध्यक्ष बिमल गुरुङको नेतृत्वमा प्रतिनिधि टोलीले गत 26 नोभेम्बरको दिन कोलकातामा श्रम मन्त्री बेचाराम मन्नासँग भेट गरेर पहाडको श्रमिकहरूको विभिन्न समस्याहरूबारे अवगत गराउँदै ती समस्याहरूको यथाशिघ्र समाधान गरिनुपर्ने अनुरोध गर्दा चाँडै पहाड आएर यसको निरीक्षण गरेर समाधान गरिदिने आश्वासन दिएका थिए। त्यही वचनलाई पुरा गर्दै मन्त्री बेञ्चाराम मन्ना अहिले दार्जिलिङ भ्रमणमा आइपुगेका छन्। आज गोजमुमो समर्थित श्रमिक सङ्गठन दार्जिलिङ तराई डुवर्स प्लान्टेसेन लेबर युनियनका अध्यक्ष सुरज सुब्बाको अगुवाईमा मन्त्री बेचारामले स्थलगत भ्रमण गर्दै गिङ चियाकमान पुगेका थिए। श्रमिक संगठनका प्रतिनिधि एवम् गोजमुमोका स्थानीय प्रतिनिधिहरूद्वारा तिनलाई स्वागत जनाइयो भने गिङ चियाकमानको निरीक्षण गर्दै प्रबन्धकको बङ्लोमा केही समय बिताएर मोर्चा प्रतिनिधिहरूसँग भला कुसारी गरे। यस अवसरमा डीटीडीपीएलयु अध्यक्ष सुरज सुब्बा, सचिव मिलन तामाङ, विद्यार्थी मोर्चा अध्यक्ष देवेन्द्र लिम्बु, गिङ चिया कमानबाट श्रमिक संगठनका अध्यक्ष विधान सुब्बा, ललित राई, मणिलाल तामाङ, अनुप सुब्बा, संजय गुरुङ, लेबोङ भेल्ली युवा मोर्चा अध्यक्ष निश्चल तामाङ पनि  उपस्थित थिए।


जवाफ लेख्नुहोस्

तपाईंको ईमेल ठेगाना प्रकाशित हुने छैन ।

This site is protected by reCAPTCHA and the Google Privacy Policy and Terms of Service apply.