सिबिटारका 35 परिवार विनय पन्थीमा सामेल

खरसाङ : चुनाउको मुखैमा आज खरसाङको सिबिटार चियाकमानको 5 नम्बरबाट 35 घर परिवार गोजमुमो बिमल पन्थीले आफ्नो पार्टी त्यागेर विनय-अनित पन्थी गोजमुमोमा सामेल भए। खरसाङस्थित गोजमुमो पार्टी महासचिव अनित थापाको उपस्थितिमा तिनकै वासस्थानमा सम्पन्न एउटा औपचारिक समर्थन कार्यक्रमको आयोजना गरिएको थियो। यसै कार्यक्रममा तिनीहरूले पार्टीको खरसाङ महकुमा कार्यकारी सचिव दया देवानको हातबाट दलीय झण्डा ग्रहण गरे। गोजमुमो विनय पन्थीका युवा मोर्चाका सिबिटार शाखा सभापति मिलन तामाङको नेतृत्वमा तिनीहरूले बिमल पन्थीलाई त्यागेर नयाँ सोँच अनि नयाँ विचारलाई समर्थन गरेको बताइएको छ।