शिक्षक मामाले हिर्काएको थप्पडले भाञ्जाको मृत्यु

जलपाईगढी: एकजना पाँच वर्षीय छात्रको शिक्षिकले थप्पड हिर्काउनाले मृत्यु भएको घटना प्रकाशमा आएको छ। यस घटनालाई लिएर माल पुलिसले सूओ मोटो मामिलामा शिक्षकलाई पक्राउ गरेको छ। उक्त घटना माल ब्लक अन्तर्गत डामडिमको ताजिया मोड़ नजिक रानीचिरा चिया कमानको बालाबाड़ी डिभिजनमा भएको हो। मृतक नानीको नाम संजय बाघोयार (5) हो भने आरोपी शिक्षक राजा बारलाको रूपमा चिन्हित गरिएको छ। आरोपी शिक्षक मृतक नानीका मामा हुन् भन्ने थाहा लागेको छ। मृतक नानीको घर नजिकमैं मामाको घर रहेकोले संजय सधैं साँझमा मामाको घरमा पढ्न जान्थे। तिनी शुक्रवार पनि पढ्न गएर घर फर्किए पछि बिमार भए। यसपछि तिनलाई मालबाजार सुपर स्पेशिलिटी अस्पतालमा लगे, जहाँ चिकित्सकहरूले तिनलाई मृत घोषित गरिदिए। मृतक नानीको परिवारका सदस्यहरूले लगाएको आरोप अनुसार मामाले थप्पड़ हिर्काएको कारणले नै संजयको मृत्यु भएको हो।