सिलगढी (निसं): राज्य सरकारले सिलगढीमा बर्द्धवान रोड फ्लाईओभर मुनिको सडकबाट नाउका घाटसम्मको सडक चौडादार गर्ने निर्णय लिएको छ। उक्त चौडादार गरिने कार्य अवधि कुनै पनि व्यवसायीलाई असुविधा नगरिने साथै कसैलाई पनि नहटाउने सिलगढी नगर निगमका मेयर गौतम देवले बताएका छन्। मेयर गौतम देवले आज बुधवार जलपाईमोडसित संलग्न बजार क्षेत्रको निरीक्षण गरे। यस अवधि तिनले भने, विकासको लागि केही व्यवसायीहरू अलिक पछिल्तिर जान पर्छ किनभने विकास गरिनु पनि जरूरी छ।
मेयरले यो सडक चौडादार गरिने कार्यको लागि केही व्यापारीलाई बाटो छोडेर अलिक पछिल्तिर गइदिने अपिल गर्दै त्यहाँ पर्याप्त ठाउँ रहेको तिनले बताए। यसको साथै मेयर गौतम देवले दिएको जानकारी अनुसार आज अपरान्ह राज्यका मनुख्यमन्त्री ममता ब्यानर्जी बाघडुग्रा आइपुग्ने छिन् अनि त्यहाँबाट सोझै खरसाङ जानेछिन्। आगामी 12 दिसम्बरको दिन सिलगढीको कञ्चनजङ्घा स्टेडियममा मुख्यमन्त्रीको एउटा कार्यक्रम रहेको छ। यसवाहेक, मुख्यमन्त्रीको उत्तर बंगाल भ्रमणबारे तिनले कुनै टिप्पणी गर्न चाहेनन्।