सिलगढी : सिलगढी विधान मार्केट व्यवसायी समितिको पहल तथा गैर सरकारी नर्सिङ होमको सहयोगितामा आज मार्केटका व्यवसायीहरूको लागि कोरोना टीकाकरण क्याम्पको आयोजना गरियो। आज विधान मार्केट व्यवसायी समिति कार्यालयमा उक्त टीकाकरण क्याम्पको आयोजना गरियो। उक्त क्याम्पमा 18 वर्षदेखि माथिका व्यवसायीहरू लगायत साधारण मानिसहरूलाई कोरोनाको खोप लगाउन सक्ने बताइएको छ।
उक्त शिविरमा मोठ 250 जनाले कोरोनाको खोप लगाइयो। विधान मार्केट व्यवसायी समितिका राजु दे-ले आवश्यक अनुसार कोरोनाको खोप उपलब्ध गराइने साथै नि:शुल्क कोरोना टीकाकरण शिविर लगाउनेबारे सरकारसमक्ष अपील गरेकोले यसको व्यवस्था गरिने बताए। उक्त शिविरमा विधान मार्केट व्यवसायी समितिका सदस्यहरू उपस्थित थिए।