सिलगढी जिल्ला अस्पतालमा युवतीसित अभद्र व्यवहार गर्ने युवक पुलिस हिरासतमा

सिलगढी : सिलगढी जिल्ला अस्पतालमा एउटी युवतीसित अभद्र व्यवहार गरेको आरोपमा पुलिसले एकजना युवकलाई हिरासतमा लिएको छ। प्राप्त जानकारीअनुसार आज बिहान प्रकाश नगर इलाका निवासी एउटी युवती आउटडोरमा डाक्टर देखाउन आएकी थिइन्। अस्पतालमा हीरालाल मण्डल नाम गरेको एकजना युवक तिनको पछि पछि आउनको साथै आउटडोर भवनको सिँढीमा उक्त युवतीसित अभद्र व्यवहार गर्दा युवती चिच्याएपछि मानिसहरू भेला भए। यसपछि उपस्थित मानिसहरूले उक्त अभद्र व्यवहार गर्ने युवकलाई पक्रेर अस्पतालको पुलिस क्याम्पमा लगेर घटनाबारे पुलिसलाई खबर दिए। घटनाको खबर पाएर पुलिस घटनास्थलमा पुगेर उक्त युवकलाई घटनाबारे छानबीन गर्न हिरासतमा लिएर थानामा लगे। उक्त घटनापछि मानिसहरूले अस्पतालको सुरक्षा व्यवस्थालाई लिएर प्रश्न खडा गरेका छन्।