सिलगढ़ीका व्यवसायीहरूले ग्राहकलाई 1 बोराभन्दा अधिक चामल नदिने

सिलगढी : कोरोना भाइरसको आतङ्कबीच कतिपय ठाउँहरूमा व्यवसायीहरूले खाद्य सामाग्रीहरूको कालाबाजारी शुरू गरेको घटना प्रकाशमा आएको छ। विशेष गरेर चामलको कालाबजारी चलिरहेकोले गर्दा सामानहरूको मूल्य निक्कै बढेर गएको छ। तर सिलगढ़डी विधान मार्केटका केही दोकानहरूमा व्यवसायीहरूले कसैलाई पनि एक बोराभन्दा अधिक चामल दिएका छैनन्। धेरैजसो मानिसहरूले आवश्यकता भन्दा अधिक मात्रामा चामल किनेर लगिरहेकोले गर्दा यसलाई रोक्ने उद्देश्य लिएर विधान मार्केटका व्यवसायीहरूले उक्त पहल गरेको बताइएको छ। किङ्कर साहा र खोकन साहा नाम गरेका व्यवसायीले बताएअनुसार मानिसहरूले कुनै कारण बिनै घरमा आवश्यकभन्दा धेर चामल सङ्ग्रह गरिरहेकोले गर्दा नै यसलाई रोक्ने उद्देश्य लिएर प्रत्येक व्यक्तिलाई एक बोरा चामलभन्दा अधिक नदिएको बताए। यदि आवश्यक परेको खण्डमा फेरि दोकानमा आएर तिनीहरूले उचित मूल्यमा चामल किन्न सक्ने बताइएको छ।


Leave a Reply

Your email address will not be published. Required fields are marked *