सिलगढी कञ्चनजङ्घा स्टेडियममा 31 मईदेखि फुटबल टुर्नामेन्ट आरम्भ

सिलगढी : सिलगढीको कञ्चनजङ्घा स्टेडियममा फस्ट डिभिजन लीग कम नकआउट फुटबल टुर्नामेन्ट आगामी 31 मईको दिन आयोजित गरिने भएको छ। सिलगढी महकुमा क्रीडा परिषदको कार्यालयमा आज एउटा पत्रकार सम्मेलनको आयोजना गरेर महकुमा क्रीडा परिषदका सचिव कुन्तल गोस्वामी लगायत फुटबल सचिव सौरभ भट्टाचार्यले यसबारे जानकारी दिएका छन्। प्राप्त जानकारी अनुसार उक्त फुटबल टुर्नामेन्टमा 10 वटा टोलीले अंश ग्रहण गर्नेछ। प्रत्येक खेलमा म्यान अफ द म्याच रहनेछ। यसको साथै विजयी टोलीलाई 30 हजार, रनर्स टोलीलाई 20 हजार र फेयर प्ले टोलीलाई 10 हजार रुपियाँ नगद पुरस्कार सहित ट्रफी प्रदान गरिनेछ। यसबाहेक फाइनलको दिन वरिष्ठ खेलाडीहरूले अंश ग्रहण गर्न सक्नेछन्। आज पत्रकार सम्मेलनमा अनुप बसु, नान्टू पाल, जयन्त साहा लगायत अन्य उपस्थित थिए।