सिलगढी : सिलगढीको 26 नम्बर वार्डमा तृणमूलको चुनावी पोस्टर तथा ब्यानरहरू च्यातिदिएको भाजपा र सीपीआईएमविरुद्ध अभियोग उठेको छ। आज दिउँसो पार्टी कार्यकर्ताहरूले तृणमूल कङ्ग्रेसको केही ब्यानर, पोस्टर र पार्टीको झण्डा च्यातेको अवस्थामा देखेपछि घटनाबारे सिलगढी पुलिसलाई अवगत गराए। घटनाको खबर पाएर पुलिस घटनास्थलमा पुगेर इलाकामा जडान गरिएको सीसीटीभी फुटेज हेरेर घटनाको जाँच शुरू गरेको बताइएको छ। तृणमूल वार्ड अध्यक्ष अरविन्द घोषले घटना तीव्र निन्दा गर्दै भने, नगरनिगम चुनाउमा भाजपा र सीपीआईएमको हार निश्चित रहेको थाहा पाएर तिनीहरूले यस प्रकारको कार्य गरेको हो।