सिलगढीको 4 नम्बर वार्डका तृणमूल प्रार्थीको ब्यानर च्यातिदिएको भाजपाविरुद्ध अभियोग

सिलगढी : सिलगढीको 4 नम्बर वार्डका तृणमूल प्रार्थीको ब्यानर च्यातिदिएको भाजपाविरुद्ध अभियोग उठेको छ। परिमल मित्र उक्त वार्डको तृणमूल प्रार्थीको रूपमा खडा भएका छन् भने तिनी पहिला सीपीएमका पूर्व काउन्सिलर पनि थिए। हाल तिनी सीपीएम छोडेर तृणमूलमा सामेल भएका छन्। तृणमूल प्रार्थी परिमल मित्रको ब्यानरहरू भाजपाले च्यातिदिएको आरोप लगाउँदै आज यसबारे थानामा लिखित अभियोग दर्ता गरेको बताइएको छ। अर्कोतिर, सिलगढीको 4 नम्बर वार्डका भाजपा कार्यकर्ता तथा समर्थकहरूले उल्टै तृणमूलमाथि आरोप लगाएका छन्। तिनीहरूको आरोप अनुसार सिलगढीको 4 नम्बर वार्डमा भाजपाको जीत निश्चित रहेको थाहा पाएर तृणमूलका कार्यकर्ताहरूले आफ्नै पार्टीको ब्यानरहरू च्यातेर मानिसहरूबाट सहानुभूति पाउने खोजेको मात्र हो। तर मानिसहरूले उक्त कार्यलाई मान्ने छैनन्।