सिलगढी (निसं): सिलगढीको बागराकोटमा सडक बन्द गर्दा रेलवेले एकपल्ट फेरि बाधाको सामना गर्न पऱ्यो। सडक बन्द गर्नका लागि काम शुरू हुन साथ स्थानीय मानिसहरूले विरोध प्रदर्शन गरे। यसपछि काम छोडेर रेलवे कर्मीहरू फर्किए। धेरै समय अघिदेखि बागराकोट भएर वाहन तथा बाइकहरूलाई आवत-जावत गर्नका लागि बन्द गरिदिएको थियो। आज बिहान आरपीएफ जवानहरूको उपस्थितिमा रेलवे कर्मचारीहरूले सडक बन्द गर्नको लागि काम शुरू गरे। यसपछि स्थानीय मानिसहरूले विरोध शुरू गरे।
तिनीहरूले बताए अनुसार कहिले-काहीं एम्बुलेन्सलाई मात्र आवाजाही गर्ने अनुमति दिन्छ। सडक बन्द भएपछि तिनीहरूले असुविधाको सामना गर्न परिरहेका छन्। पछि मानिसहरूले आरपीएफ जवानहरूको सामु विरोध प्रदर्शन गरेपछि काम रोकिदिएको छ। स्मरण रहोस, केही दिन पहिला पनि बागराकोटमा सडक बन्द गरेको समयमा रेलकर्मीहरूलाई बाधा तिनीहरूले फर्किनु परेको थियो।