सिलगढीको कलेजपाडामा जगद्धात्री पूजाको तयारी शुरू, 21 फुट अग्लो जगद्धात्रीको प्रतिमा रहने

सिलगढी, 6 नोभेम्बर (निसं): प्रत्येक वर्ष झै सिलगढीको कलेजपाडा जगद्धात्री पूजा कमिटीको प्रबन्धन पक्षले जगद्धात्री पूजाको आयोजना गरिने भएको छ। यस वर्ष तिनीहरूको पूजा चौथो वर्षमा प्रवेश गर्नेछ। आयोजक समितिको तर्फबाट बुधवार सिलगढी जर्नलिस्ट्स क्लबमा संवाददाता सम्मेलन गरेर यसबारे जानकारी दिएको छ।
यस वर्षको विशेष आकर्षण चन्दननगरको 21 फीट अग्लो जगद्धात्री प्रतिमा रहनेछ भने, 51 पीठहरूको शैलीमा मण्डप सजाइने छ। यसको साथै चन्दननगरको शैलीमा लाइटिङ्कको व्यवस्था गरिनेछ। पूजाको उद्घाटन सिलगढीका मेयर गौतम देवले गर्नेछन्।