सिलगढीको दवाई दोकान चोरी मामिलामा एकजना पक्राउ

सिलगढी : एनजेपी पुलिसले तीनबत्ती मोड़स्थित एउटा दवाई दोकानमा भएको  चोरीको मामिलामा एकजना व्यक्तिलाई पक्राउ गरेपछि आज जलपाईगढी अदालतमा पेश गर्यो। पक्रा परेका व्यक्ति मोहम्मद अली खानको रूपमा चिन्हित गरिएको छ। पुलिसले आरोपी व्यक्तिबाट चोरी गरेको नगदी रुपियाँ पनि उद्धार गरेको छ। उल्लेखनीय छ, गत 10 जुलाईमा केही दुष्कृतिहरूले तीनबत्ती मोड़स्थित एउटा दवाई दोकानको सटर भत्काएर चोरी गरेको थियो। यस सम्बन्धमा एनजेपी थानामा अभियोग दर्ता गरेपछि अभियोगको आधारमा पुलिसले घटनाको जाँच शुरू गरेर फुलबारी मर्डर मोड इलाकाबाट उक्त आरोपीलाई पक्राउ गरेको बताइएको छ। पुलिस सूत्रले दिएको जानकारी अनुसार आरोपी विभिन्न असामाजिक गतिविधिहरूमा सामेल रहेको साथै बिहारमा पनि तिनी असामाजिक गतिविधिहरूमा सामेल रहेको छ। उक्त आरोपीविरुद्ध केही मामिलाहरू दर्ता गर्नको साथै उक्त घटनामा अन्य व्यक्तिहरू पनि संलग्न रहेको आशंकामा पुलिसले जाँच शुरू गरेको छ।