सिलगढीको इस्कन मन्दिरमा धुमधामको साथमा रथयात्रा पालन

सिलगढी: सिलगढीको इस्कन मन्दिरमा आज बडो धुमधामको साथमा रथयात्रा उत्सव पालन गरियो। रथयात्राको अवसरमा इस्कन मन्दिर परिसरमा बिहानैदेखि भक्तजनको भीड लागेको देखियो। यस अवसरमा मन्दिरमा विभिन्न कार्यक्रमको पनि आयोजना गरिएको छ। सिलगढीका मेयर गौतम देवले जगन्नाथ देवको रथको उद्घाटन गरे भने सिलगढीका पुलिस कमिश्नर अखिलेश कुमार चतुर्वेदीले बलरामको रथको उद्घाटन गरे। यसैगरी, सिलगढीका महकुमाशासक प्रियङ्का सिंहले सुभद्रा देवीको रथको उद्घाटन गरिन्। यसपछि सडक सफा गरेर रथयात्रा निकालिइयो। इस्कन मन्दिर परिसरबाट रथयात्रा निकालेर भगवान् जगन्नाथ देव छेमाको घरतर्फ प्रस्थान गरे। सिलगढी सहरको विभिन्न पथहरूको परिक्रमा गरेपछि जगन्नाथ, बलराम र सुभद्रा छेमाको घर जानेछन्। यस वर्ष डाबग्रामको सूर्यनगर मैदानमा जगन्नाथको छेमाको घर बनाइएको छ। तिनी 28 जुनसम्म त्यहीँ बस्नेछन्। यस अवधि त्यहाँ विभन्न कार्यक्रमको आयोजना गरिने भएको छ।