सिलगढीको इस्कन मन्दिर परिसरमा रथयात्राको आयोजना

सिलगढी : आज रथयात्राको दिन कोरोनाको सबै नियमहरू पालन गर्दै देशको विभिन्न ठाउँहरूमा रथयात्राको आयोजना गरियो। यसै क्रममा सिलगढीको इस्कन मन्दिर परिसरमा पनि रथयात्रा निकालिइयो। सिलगढीका पुलिस कमिश्नर गौरभ शर्माले रथको डोरी तानेर रथयात्राको आज विधिवत् उद्घाटन गरे। यस अवसरमा तिनले इस्कन मन्दिर परिसरमा कोरोनाको सबै नियमहरू पालन गरेर रथयात्राको आयोजना गरिएको बताउँदै भगवान जगन्नाथको पुजा-अर्चना गर्दै सिलगढीवासीको सुस्वास्थ्यको कामना पनि गरेको जनाए। सिलगढी इस्कन मन्दिरका मुख्य जनसम्पर्क अधिकारी नामकृष्ण दासले कोरोनाको सबै नियमहरू पालन गरेर मन्दिर परिसरमै रथयात्राको आयोजना गरिएको बताए। यसको साथै रथयात्राको अवसरमा रक्तदान शिविरको पनि आयोजना गरिएको तिनले बताए।