सिलगढीको कावाखालीमा एउटा घरबाट बम उद्धार भएपछि मच्चियो सनसनी

सिलगढी : सिलगढीको कावाखालीमा एउटा घरबाट बम उद्धार भएपछि इलाकामा सनसनी मच्चियो। प्राप्त जानकारी अनुसार आज बिहान कावाखालीको नेताजी मोड संलग्न एउटा घरको आँगनबाट बम उद्धार भएको छ। घटनाको खबर पाएर मेडिकल आउटपोस्ट पुलिस र मतिगढा थाना पुलिस घटनास्थलमा पुगेर सीआईडी-को बम स्क्वाड-लाई खबर दिए। सीआईडी-को बम स्क्वाड टीम घटनास्थलमा पुगेर उक्त बम उद्धार गरेर लगेको बताइएको छ। सूत्रले दिएको जानकारी अनुसार धेरै दिन अघिदेखि उक्त घरमा पारिवारिक झमेला चलिरहेको थियो। यसै क्रममा गत राति उक्त परिवारका दुईजना सदस्य घरमा आएपछि झैँ-झगडा गरे। यसपछि दुईजना युवकले त्यहाँ नै बम छोडेर भागेको बताइएको छ। पुलिसले घटनाको जाँच शुरू गरेको छ।