सिलगढी (निसं): सिलगढी सालबारीको मेथीबारीस्थित दुर्गा नगर कल्याण समाजद्वारा स्वच्छ भारत अभियान अन्तर्गत सर-सफाई कार्य सम्पन्न गऱ्यो। दुर्गा नगर कल्याण समाजको सभापति शरण शर्माको अगुवाई र सचिव हेमन्त काँफ्लेको सञ्चालनमा समाजको सबै सदस्यहरू भेला भएर सर सफाई कार्य सम्पन्न गरियो।सालबारी क्षेत्रमा रहेको एनएच 55 नजिक रहेको काजीमान प्रधान रोड र वरिपरिका क्षेत्रहरूको सर-सफाई कार्य सम्पन्न गरिएको छ। विशेष गरी दुर्गा नगर कल्याण समाजको नारा ‘फोहोर मैला जथाभावी नफ्याँकौं, आफ्नो गाउँ समाज स्वच्छ राखौं’ लाई आत्मासाथ गरेर उक्त सफाई अभियान गरिएको थियो।
सफाई अभियान अवधि मैलाहरूको साफ-सफाई गर्दै यहाँको नालीहरूको पनि सफाई गरियो भने झाड़ीहरू पनि फाड्ने कार्य सम्पन्न गरियो। सन् 2009 सालमा स्थापित गरिएको दुर्गा नगर कल्याण समाजले विभिन्न सामाजिक कार्यहरू र साहित्यिक व्यक्तिहरूलाई पनि सम्मान गर्ने कार्य गरिसकेको छ भने सालबारीको काजीमान प्रधान रोडमा रहेको एउटा चौकलाई साहित्यकर असीत राई स्मृति चौकको नामकरण पनि गरिसकेको छ। समाजले फोहोर मैलाहरू सफा गर्नुको साथै फोहोर मैलाको सठीक रूपमा व्यवस्थापन गर्ने पनि कार्य गरेको छ भने गाउँ समाजका सबैलाई फोहोर मैला नगर्ने अनि फोहोर मैलाको सही व्यवस्थापन गर्ने आह्वान् पनि गरेको छ।