सिलगढीको रथखोला नवीन संघद्वारा टीकाकरण शिविर

सिलगढी : सिलगढी नगरनिगमको 22 नम्बर वार्डको रथखोला नवीन संघको तर्फबाट आज कोरोना टीकाकरण शिविरको आयोजना गरियो। उक्त शिविरको सिलगढी नगरनिगमको प्रशासक मण्डलीका सदस्य रञ्जन सरकारले उद्घाटन गरे। एउटा गैर सरकारी अस्पतालको सहयोगमा आज टीकाकरण शिविरको आयोजना गरिएको हो। उक्त शिविरमा लगभग 410 जना मानिसहरूले कोरोनाको खोप लगाए। यस अवसरमा रञ्जन सरकारले सरकारको तर्फबाट निःशुल्क टीकाकारण शिविरको आयोजना गरिरहेको छ भने आफूहरूद्वारा विभिन्न वार्डहरूमा चरणबद्ध रूपमा गरिने बताए। यसको साथै चाँडै नै 22 नम्बर वार्डमा टीकाकरण शिविरको आयोजना गर्ने तिनले बताए।