सिलगढी (निसं): सिलगढीको विभिन्न ठाउँहरूको साथै टिकियापाडा इलाकामा आज नगर निगमको तर्फबाट अतिक्रमण हटाउने अभियान चलायो। यस अभियान अवधि टिकियापाडा इलाकामा सबै अवैध रूपले बनाएको दोकानहरू भत्काइदिएको छ। स्मरण रहोस, नगर निगमको अतिक्रमण हटाउने अभियान गत केही दिन अघिदेखि लगातार चलिरहेको छ। यसैक्रममा, आज बिहान टिकियापाडामा अभियान चलाइयो। यस अवधि सडक दखल गरेर बनाएको सब्जी बजार अनि नालामाथि लगाइएको सबै अवैध दोकानहरू भत्काइ दिएको छ। नगर निगमले बताए अनुसार यस प्रकारको कार्वाही लगातार जारी रहनेछ।