सिलगढी : मेयर पदको दायित्व सम्हाल्ने बित्तिकै सिलगढीलाई सौन्दर्यीकरण गर्न मेयर गौतम देव तत्पर छन्। सिलगढी सहरको केही बजार तथा मार्केटहरूलाई नयाँ रूपमा सजाउने सिलगढी नगरनिगमले पहल शुरू गरेको छ। यसै अनुरूप सिलगढीको विवेकानन्द मिनी मार्केटलाई सजाउने उद्देश्य लिएर मेयर गौतम देवले आज नगरनिगमका इञ्जिनियर तथा अन्य अधिकारीहरूलाई साथमा लिएर मार्केटको निरीक्षण गरे। उक्त निरीक्षण पछि मेयर देवले भने, मार्केट धेरै खराब अवस्थामा रहेको छ। यहाँको शौचालयदेखि शुरू गरेर ड्रेन आदिको अवस्था निक्कै सोचनीय रहेको छ। यहाँ एउटा सुन्दर कम्प्लेक्स निर्माण गरिनेछ। विवेकानन्द मिनी मार्केट नजिक दार्जिलिङ जिल्ला सीपीआईएम-को जिल्ला कार्यालय रहेको छ। जसले सडकमा ओर्लिएर प्रतिवाद गरिरहेको तिनीहरूकै कार्यालय पछिल्तिर मच्छकरको घर बनिसकेको छ। तथापि, आगामी दिनमा यसलाई सफा गरिदिने तिनले बताए।