सिलगढीमा युवतीको घाँटी काटेको अवस्थामा शव उद्धार, जाँचमा जुट्यो पुलिस

सिलगढी, 8 नोभेम्बर (निसं): सिलगढीको भानुनगरमा एकजना युवतीको रहस्यमय मृत्युले इलाकामा हडकम्प मच्चिएको छ। मृतकको नाम पुष्पा छेत्री बताइएको छ। प्राप्त जानकारी अनुसार,पुष्पा छेत्री भानुनगर इलाकामा भाडाको घरमा बस्थिन्। आज अपरान्ह एकजना महिला लगायत दुई जना पुष्पा छेत्रीलाई भेट्न तिनका घरमा पुष्पा छेत्रीको शव घाँटी काटेको अवस्थामा देखे। यसपछि यसको सूचना भक्तिनगर थाना पुलिसलाई दिए। खबर पाएपछि भक्तिनगर थानाका आईसी लगायत अन्य पुलिसकर्मी घटनास्थलमा पुगेर शवलाई उद्धार गरेपछि पोस्टमार्टमको लागि अस्पताल पठाइदिएको छ।
स्थानीय मानिसहरूले बताए अनुसार पुष्पा छेत्री सिलगढीमा काम गर्थिन। तिनी गत केही महिनादेखि भानुनगरमा भाडाको घरमा बस्थिन्। तथापि, अझसम्म युवतीको मृत्यु कसरी भयो भन्नेबारे स्पष्ट भएको छैन। पुलिसको प्राथमिक अनुमान अनुसार युवतीलाई हत्या गरिएको हो। भक्तिनगर थाना पुलिसले सम्पूर्ण घटनाको जाँच गरिरहेको छ।