सिलगढी (निसं): सिलगढीमा एकजना 15 वर्षीय किशोरको रहस्यमय ढङ्गमा मृत्यु भएको घटना प्रकाशमा आएको छ। मृतकका नाम शुभोजित रूद्रो (15) हुन्। तिनी मतिगढाको एउटा सरकारी स्कूलमा आठौं कक्षाको छात्र थिए। मतिगढा थाना पुलिसले मंगलवार प्रमोद नगर संलग्न इलाकामा घेरेर राखेको एउटा खाली जमीनबाट नाबालकलाई रूखमा झन्डिएको अवस्थामा उद्धार गरेको बताइको छ। मृतकको पिताले लगाएको आरोप अनुसार तिनका एक मात्र छोराले आत्महत्या गरेको होइन तर तिनको हत्या गरिएको हो। तिनको छोराले आत्महत्या गर्न सक्दैन। छोरा आर्मीमा जान चाहन्थे। छोराको सपना अब अधूरो भएको तिनले बताए।
अर्कोतिर, स्थानीय मानिसहरूको भनाई अनुसार जुन इलाकामा यो घटना भयो, त्यहाँ नशाको अड्डा रहेको छ। सायद हिज शुभोजितले त्यहाँ केही देखे होलान्, जो तिनले हेर्न हुन्थेन। यसैले गर्दा तिनको ज्यान गएको हुनसक्छ। अर्कोतिर, प्रत्यक्षदर्शीहरूले बताए अनुसार शुभोजित घुँडा टेकेर डोरीमा झुन्डिएको अवस्थामा थियो। यसले गर्दा शुभोजितको हत्या गरेको हुनसक्ने सम्भावना रहेको छ।