सिलगढीमा 175 वटा नशालु इन्जेक्शन सहित 2 जना पक्राउ

सिलगढी : सिलगढीमा अधिक मात्रामा नशालु इन्जेक्शन सहित 2 जना युवकलाई पक्राउ गरेपछि आज जलपाईगढी अदालतमा पेश गर्यो। पक्रा परेकाहरूमा विकास मल्लिक र सौरभ दास सामेल छन्। प्राप्त जानकारी अनुसार गोप्य सूचनाको आधारमा भक्तिनगर थानाका आईसीको नेतृत्वमा पुलिसले हैदरपाडा मार्केट कम्प्लेक्स नजिक अभियान चलाएर स्कुटीमा घुमिरहेका 2 जना युवकलाई सन्देहको आधारमा पुलिसले हिरासतमा लिएर छानबीन गर्दा स्कुटीको डिक्कीबाट 175 वटा नशालु इन्जेक्शन उद्धार गरेको बताइएको छ। पक्रा परेका ती दुईजना युवकले नशालु इन्जेक्शन बिक्री गर्नको लागि उक्त इलाकामा घुमिरहेका थिए। पुलिसले घटनाको जाँच शुरू गरेको छ।