सिलगढी : सिलगढी मेट्रोपोलिटन पुलिसको पानीट्याङ्की आउटपोस्ट पुलिसले पञ्जाबीपाड़ामा एस्ट्रोलजीको नाममा कल सेन्टर चलाइरहेको खुलासा भएको छ। आज पानीट्याङ्की आउटपोस्ट पुलिस र सिलगढी थाना पुलिसले संयुक्त अभियान चलाएर उक्त कल सेन्टरबाट 6 महिला सहित 9 जनालाई हिरासतमा लिएको छ। गत 15 जुलाईमा डीडी र एसओजी-को टोलीले एस्ट्रोलजीको आड़मा कल सेन्टर चलाइरहेको खुलासा गरेको थियो भने उक्त मामिलामा 21 जना महिला सहित 29 जनालाई पक्राउ गरेको थियो। जसमा संस्थानका मालिक गौरव सक्सेना र म्यानेजर आशीष चौरसिया पनि सामेल थिए भने हाल तिनीहरूलाई जमानतमा रिहा गरिएको थियो। यसपछि गौरव सक्सेनाले फेरि अन्यको नाममा पन्जाबीपाड़ास्थित त्यहीँ बिल्डिङको दोस्रो तल्लामा फेरि नयाँ रूपमा काम शुरू गरेको पुलिसले जानकारी पाएपछि पानीट्याङ्की आउटपोस्टको ओसी पप्पु सिंहको नेतृत्वमा सिलगढी थाना पुलिसले फेरि अभियान चलायो। यस अभियान अवधि उक्त कल सेन्टरबाट मोठ 9 जनालाई हिरासतमा लिएको छ, जसमा म्यानेजर आशीष चौरसिया पनि सामेल छन्। पुलिस सूत्रले दिएको जानकारी अनुसार गौरव सक्सेना र म्यानेजर आशीष चौरसियाले नाम परिवर्तन गरेर मानिसहरूलाई एस्ट्रोलजीको आडमा ठग्ने काम फेरि शुरू गरेको छ। तथापि, गौरव सक्सेनाकोमा एस्ट्रोलजीको लाइसेन्स (सर्टिफिकेट) पनि रहेको छ। यसैको आधारमा तिनले कोर्टबाट जमानत पाइरहेका छन्।