सिलगढीमा अवैध निर्माण विरूद्ध नगर निगमको अभियान, भत्काइदियो घर अनि दोकान

सिलगढी (निसं): सिलगढीको विभिन्न ठाउँमा रहेको अवैध निर्माण माथि नगर नगमले लगातार एक पछि अर्को अभियान चलाइरहेको छ। नगर निगमले शहरको कतिपय ठाउँमा रहेको अवैध निर्माणलाई अगावै भत्काइसकेको छ। यसैक्रममा आज फुलेश्वरी नदी संलग्न इलाकामा सरकारी जमीनमा बनाएको एउटा टिनको घर अनि एउटा दोकानलाई पनि भत्काइदिएको छ। नगर निगमले पुलिसको उपस्थितिमा आज उक्त अवैध निर्माणलाई भत्काइदिएको छ। यसबारे मेयर गौतमले भने, सरकारी जमीनमा दखल गरेर कसैलाई पनि अवैध निर्माण गर्न दिन छैनौ। अर्कोतिर, अवैध निर्माणकर्ताहरूले लगाएको आरोप अनुसार कुनै पनि नोटिस बिना नै नगर निगमले घर अनि दोकान भत्काइ दिएको छ।