सिलगढीमा चोरी भएको बाइक उद्धार, एकजना पक्राउ

सिलगढी, 28 अक्टोबर (निसं): एनजेपी थाना पुलिसले चोरी गरेको बाइक सहित एकजना व्यक्तिलाई पक्राउ गरेको छ। आरोपीको नाम मोहम्मद हसीरुल हो। जानकारी अनुसार, 12 अक्टोबरमा अशोकनगर क्षेत्रमा एउटा बाइक चोरी भएको थियो। घटनापछि बाइकका मालिकले एनजेपी थानामा लिखित अभियोग दर्ता गरेका थिए। उक्त अभियोगको आधारमा पुलिसले जाँच सुरु गर्दै आइतबार राति गोप्य सूचनाको आधारमा मोड बजारमा छापा मारेर चोरी गरेको बाइक सहित एकजना व्यक्तिलाई पक्राउ गरेको छ। आरोपीलाई आज जलपाईगढी अदालतमा पेश गरियो। पुलिसले सम्पूर्ण घटनाको जाँच गरिरहेको छ।