सिलगढीमा चोरी भएको 8 वटा साइकल उद्धार, एकजना पक्राउ

सिलगढी, 10 दिसम्बर (निसं): सिलगढी शहरमा केही समयदेखि साइकल चोरीका घटनाहरू लगातार बढ्दै गइरहेको थियो। यस घटनाको जाँचमा जुटेको प्रधान नगर थानाको पुलिसले चोरी भएको 8 वटा साइकलसहित एकजना आरोपीलाई पक्राउ गरेको छ। पक्रा परेका आरोपीको नाम शिबू पाल हो। आरोपीलाई सिलगढीको गेट बजार क्षेत्रबाट पक्राउ गरिएको हो। पुलिसले शिबू पाललाई सोधखोज गरेपछि बीआरआई कोलोनी संलग्न क्षेत्रको जंगलबाट चोरी भएको 8 साइकल उद्धार गरेको हो। पुलिस सूत्र अनुसार, धेरै समयदेखि साइकल चोरीका घटनाहरू भइरहेको थियो। प्राथमिकीको आधारमा प्रधान नगर थानाको पुलिसले सेतो पोशाकमा जाँच सुरु गरेको थियो। यसै क्रममा गोप्य सूचनाको मद्दतले साइकल चोर शिबू पाललाई चिन्हित गरेर सोमबार राति गेट बजार इलाकाबाट पक्राउ गरियो। आरोपीसँग सोधखोज गरेपछि चोरी गरेका 8 वटा साइकल उद्धार गरेको हो। आरोपीलाई आज सिलगढी अदालतमा पेश गरियो। पुलिसले सम्पूर्ण घटनाको जाँच जारी राखेको छ।