सिलगढीमा डकैती गर्न अगावै 3 जना बदमाश पक्राउ, अदालतमा पेश  

सिलगढी (निसं): प्रधान नगर थाना पुलिसले डकैती गर्ने योजनालाई विफल पार्दै तीन जना बदमाशलाई पक्राउ गरेको छ। पक्रा पर्नेहरूमा प्रणय मण्डल (28),राकेश मण्डल (24) र असीम सरकार (32) सामेल छन्। तिनीहरू सबैजना सिलगढी संलग्न समर नगर इलाका निवासी हुन्। प्राप्त जानकारी अनुसार गत राति लगभग 1 बजे बाघाजतीन कलोनीको पार्वती घाट इलाकामा केही बदमाश भेला भएको विषयमा पुलिसले गोप्य जानकारी पाए। उक्त सूचनाको आधारमा प्रधान नगर थाना पुलिसले घटना स्थलमा पुगेर कार्वाही गर्दै 3 जना बदमाशलाई पक्राउ गरेको छ। पक्रा पर्नेहरूबाट पुलिसले धारिलो हतियार पनि उद्धार गरेको छ। त्यहाँ तिनीहरू डकैती गर्ने योजना बनाउनको लागि भेला भएको बताइएको छ। तथापि, उक्त योजना अगावै तीनै जना बदमासलाई पुलिसले पक्राउ गरेको छ। आज तिनीहरूलाई सिलगढी अदालतमा पेश गरियो।