सिलगढीमा डेङ्गुको बढ्दो प्रकोप: बोरो अफिस अघि मच्छरदानी लगाएर सीपीआईएम-द्वारा विरोध प्रदर्शन

सिलगढी : सिलगढीमा डेङ्गुको प्रकोप लगातार बढ्दै गइरहेकोले नगरनिगमको अव्यवस्थाविरुद्ध सीपीआईएम 2 नम्बर एरिया कमिटीले अनौठो रूपमा 2 नम्बर बोरो अफिस अभियान चलाए। सीपीआईएम कार्यकर्ता तथा समर्थकहरूले आज बोरो अफिस अघि मच्छरदानी लगाएर विरोध जनाए। सीपीआईएम  2 नम्बर एरिया कमिटीले डेङ्गु विषयमा सिलगढी नगरनिगमविरुद्ध विविध आरोप लगाए।  सिलगढी सहरमा जल निकासी व्यवस्था, साफ-सफाई, फगिङ, ब्लिचिङ छर्किने कामहरू नभएको तिनीहरूले आरोप लगाए। सिलगढी नगरनिगम दुर्गा पुजा कार्निभल, र्‍याली र मीटिङ आदिमा व्यस्त रहेको छ। यसैले आज बोरो अफिस अभियान चलाएको हो। यस सम्बन्धमा सीपीआईएम 2 नम्बर एरिया कमिटीका सचिव सौरभ सरकारले भने, आफूहरूले दुर्गा पुजाअघि सबै बोरो अफिसहरूमा अभियान चलाइरहेका छौँ। सहरका मानिसहरूले सबै आवश्यक सेवाहरू पाओस् भन्ने उद्देश्य लिएर उक्त अभियान चलाइरहेको तिनले बताए।