सिलगढीमा देशी पिस्तोल सहित 2 जना बदमास पक्राउ

सिलगढी, 19 नोभेम्बर (निसं): मतिगढा थानाको पुलिसले एउटा देसी पिस्तोल र जिउँदो कारतुस सहित दुई जना बदमासलाई पक्राउ गरेको छ। पक्राउ परेका बदमासहरूका नाम सोनम टाँशी तामाङ (25) र हर्ष कुमार तामाङ (22) बताइएको छ। हर्ष बिहारको किशनगञ्जका निवासी हुन भने सोनम टाँशी सिक्किम निवासी हुन्।
पुलिस सूत्र अनुसार, सोमबार राति गोप्य सूचनाको आधारमा मतिगढा थाना पुलिस टोलीले चामटा पुल नजिकबाट दुई जना युवकलाई पक्राउ गरेको हो। पुलिसले युवकहरूलाई छानबिन गर्दा एउटा देसी पिस्तोल र एक जिउँदो कारतुस उद्धार गरेपछि दुवैलाई पक्राउ गरेको बताइएको छ। जानकारी अनुसार, यी दुवै युवक कुनै ठूलो अपराध गर्नका लागि योजना बनाइरहेका थिए। मतिगढा थाना पुलिसले दुवै बदमासलाई आज सिलगढी अदालतमा पेश गरेपछि रिमाण्डमा लिएको छ।