सिलगढीमा मोहन बगानको नाममा सडकको नामकरण, 2 अप्रेलमा उद्घाटन गरिने

सिलगढी (निसं): फुटबल प्रेमीहरूका निम्ति खुसीको खबर रहेको छ। सिलगढीमा अब मोहन बागानको नाममा पनि सडकको नामकरण गरिने भएको छ। उक्त सडकको उद्घाटन आउँदो 2 अप्रेलको दिन गरिने छ। सिलगढी नगर निगमका मेयर गौतम देवले आज बुधवार पत्रकार सम्मेलन गरेर यसबारे जानकारी दिएका छन्। प्राप्त जानकारी अनुसार, सिलगढीको महानन्दा लालमोहन निरञ्जन घाट मार्गको नयाँ नाम ‘मोहन बगान एभेन्यू‘ हुनेछ। यसको साथै ईस्ट बंगाल लेन अनि इस्कन मन्दिर रोड लगायत तीन वटा सडकको पनि उद्घाटन गरिने छ। उक्त उद्घाटन समारोहमा मोहन बगान क्लबका सचिव देवाशीष दत्त सहित अन्य गणमान्य अतिथि उपस्थित रहने छन्।