सिलगढीमा नशालु ट्याबलेटसहित दुईजना पक्राउ

सिलगढी : प्रधान नगर थाना पुलिसले प्रतिबन्धित नशालु ट्याबलेटसहित दुईजना व्यक्तिलाई पक्राउ गरेको छ। पक्रा परेकाहरू क्रमैले सनोज साहनी र प्रीतम पालको रूपमा चिन्हित गरिएको छ। तिनीहरूमध्ये सनोज साहनी कुलीपाड़ा निवासी र प्रीतम पाल बाघाजतीन कोलनी निवासी हुन्। प्राप्त जानकारी अनुसार गोप्य सूचनाको आधारमा प्रधान नगर थाना पुलिसले सादा पोशाकमा जङ्क्शन संलग्न एसएनटी बस स्ट्यान्डमा अभियान चलाएर सनोज साहनी र प्रीतम पाललाई लगभग सात हजार प्रतिबन्धित नशालु ट्याबलेटसहित पक्राउ गरेको बताइएको छ। पक्रा परेका दुईजना व्यक्तिलाई आज सिलगढी अदालतमा पेश गर्नको साथै घटनाको जाँच शुरू गरेको पुलिस सूत्रले जनाएको छ।