सिलगढीमा पिस्तोल र कार्तुस सहित 2 जना पक्राउ

सिलगढी : स्पेशल अपरेसन ग्रुप र बाघडुग्रा थाना पुलिसले गत राति आग्नेयास्त्रको किन-बेच मामिलामा ठुलो सफलता हासिल गरेको छ। गोप्य सूचनाको आधारमा एसओजी र मेट्रोपोलिटन बाघडुग्रा थाना पुलिसले सादा पोसाकमा गोसाईपुर रेलवे ब्रिज नजिक संयुक्त अभियान चलाएर 2 जना व्यक्तिलाई सन्देहको आधारमा पक्राउ गरेर छानबीन गर्दा एउटा 7 एमएम पिस्तोल र दुई राउण्ड जिउँदो कार्तुस उद्धार गरेको बताइएको छ।


पक्रा पर्नेहरूमा कालीचरण बर्मन र प्रशान्त राय सामेल छन् भने यी दुई व्यक्तिले पिस्तोलको डिलिभरी गर्ने गर्छन्। बाघडुग्रा थाना पुलिसले अब यी 2 व्यक्तिको माध्यमद्वारा आग्नेयास्त्रको किन-बेचको व्यवसायका मास्टरमाइन्डसम्म पुग्ने तयारी गरिरहेको बताइएको छ। पक्रा परेका दुई व्यक्तिविरुद्ध गैरकानुनी रूपमा हतियार राखेको आरोपमा मामिला दर्ता गरेर आज दुवैलाई सिलगढी अदालतमा पेश गरियो।


जवाफ लेख्नुहोस्

तपाईंको ईमेल ठेगाना प्रकाशित हुने छैन ।

This site is protected by reCAPTCHA and the Google Privacy Policy and Terms of Service apply.