सिलगढीमा प्रतिबन्धित पटेका सहित व्यक्ति पक्राउ

सिलगढी : दीपावली अघि नै सिलगढीको विभिन्न ठाउँमा पटेका बिक्री भइरहेको छ। सिलगढी मेट्रोपोलिटन पुलिस प्रतिबन्धित पटेकाको बिक्रीमा रोक लगाउन तत्पर रहेको छ। यसै क्रममा सिलगढी थाना पुलिसले गत राति थाना अन्तर्गत इलाकाको एउटा दोकानमा अभियान चलाएर धेरै मात्रामा प्रतिबन्धित पटेका उद्धार गर्नको साथै एकजना व्यक्तिलाई पक्राउ गरेको छ। पक्रा परेका व्यक्ति कुचबिहार निवासी दिलीप साहको रूपमा चिन्हित गरिएको छ। पुलिस सूत्रले दिएको जानकारी अनुसार  दिलीप साहले ग्रीन पटेकाको आड़मा प्रतिबन्धित पटेका बिक्री गरिरहेका थिए। पुलिसले तिनको दोकानबाट 500 बक्स भन्दा अधिक प्रतिबन्धित पटेका उद्धार गरेको छ। पक्रा परेका व्यक्तिलाई आज सिलगढी अदालतमा पेश गरियो।