सिलगढीमा सिवेज ट्रिटमेन्ट प्लान्ट शुरू गरिने, मेयर गौतम देवद्वारा शिलान्यास

सिलगढी : लामो समयको प्रतीक्षापछि अब सिलगढीमा सिवेज ट्रिटमेन्ट प्लान्टको शुरू गरिने भएको छ। सिलगढीका मेयर गौतम देवले आज यस कार्यको शिलान्यास गरे। स्मरण रहोस्, वाम शासनकालमा पूर्व नगर मन्त्री अशोक भट्टाचार्यले महानन्दा एक्सन प्लान अन्तर्गत सिवेज ट्रिटमेन्ट प्लान्ट शुरूआत गरेका थिए। मुख्यतः महानन्दा नदीलाई प्रदूषणमुक्त गराउने उद्देश्य लिएर वाम सरकारले केन्द्रको सहयोगमा यस परियोजनाबारे विचार गरेको थियो। तथापि, 2011-मा राज्यमा नयाँ सरकार आएपछि सिलगढी नौकाघाट संलग्न महानन्दा नदी किनारमा निर्माण गरिने यस सिवेज ट्रिटमेन्ट प्लान्टको काम बन्द भयो। धेरै वर्षसम्म यस परियोजनाको काम बन्द भएपछि फेरि वर्तमान राज्य र केन्द्रको संयुक्त पहलमा महानन्दा सिवेज ट्रिटमेन्ट प्लान्ट शुरू गरिने भएको छ। सिलगढीका मेयर गौतम देवले आज यस कार्यको शिलान्यास गरे। यस  सम्बन्धमा मेयरले भने, सहरको विशुद्ध पानीलाई शुद्ध गरेपछि महानन्दा नदीमा प्रवाहित गरेर नदीलाई प्रदूषणमुक्त गर्नको लागि यो परियोजना हो। 67 प्रतिशत राज्य र 33 प्रतिशत केन्द्रको सहयोगमा 2 र 3 वटा परियोजनाहरूको काम शुरू भएको छ। पहिलो चरणमा 68 करोड़ रुपियाँको लागतमा यो काम शुरू गरिएको छ। सम्पूर्ण परियोजना मोठ 274 करोड़ रुपियाँको लागतमा तयार गरिनेछ।