सिलगढीमा सेक्स र्‍याकेटको पर्दाफास: नोकरीको नाममा युवतीहरूलाई देह व्यवसायमा धकेल्ने गुटका 4 जना पक्राउ

सिलगढी : नोकरीको नाममा युवतीहरूलाई देह व्यवसायतर्फ लैजाने गुटको प्रधान नगर थाना र डीडी-को टीमले पर्दाफास गर्दै 4 जना युवतीलाई उद्धार गरेको छ। यसको साथै उक्त गुटको 4 जना सदस्यलाई पक्राउ गरेको छ, जसमा एउटी महिला पनि सामेल छन्। प्रधान नगर थानामा डीसीपी अभिषेक गुप्ताले पत्रकार सम्मलेनको आयोजना गरेर यसबारे जानकारी दिएका छन्। तिनले बताएअनुसार मुर्शिदाबाद निवासी एउटी महिलाले नोकरीको नाममा आफूलाई देह व्यवसायको दलदल फँसाएकोबारे प्रधान नगर थानामा अभियोग गर्दा गरेकी थिइन्। अभियोगको  आधारमा जाँचमा जुटेको प्रधान नगर थाना र डीडी-को टीमले उक्त घटनामा एउटी महिला सहित चारजनालाई पक्राउ गरेको छ। यसको साथै अभियोगकर्ता सहित चारजना महिलालाई उद्धार गरेको छ। यस गुटलाई कुचबिहारको सीतलकुची निवासी एकजना टोटो चालकले चलाइरहेको थियो। आरोपी टोटो चालकको खोजी शुरू गरेको छ भने मुख्य आरोपीलाई पक्रनको लागि पक्रा परेका 4 जना आरोपीको नाम हाल गुप्त राखिएको तिनले बताए। पक्रा परेका 4 जना आरोपीलाई सिलगढी अदालतमा पेश गरेर रिमान्डमा लिइने तिनले बताए।


Leave a Reply

Your email address will not be published. Required fields are marked *