सिलगढी: बंगाल विधानसभा चुनाउको सबै आसनहरूको परिणाम लगभग निश्चित भएपछि तृणमूल कङ्ग्रेसका उम्मेद्वारहरू अधिकजसो आसनमा धेरै मतले अघि रहेको देखिन्छ। यसैले तृणमूल कङ्ग्रेस फेरि सत्तामा आउने लगभग निश्चित देखा परेपछि सिलगढीमा पार्टीका कार्यकर्ता तथा समर्थकहरू औधी खुशी भएका छन् भने तिनीहरूले खुसी मनाउन पनि शुरू गरिसकेका छन्।
यसको साथै सिलगढीमा आज केही तृणमूल कार्यकर्ताहरूले खुशी मनाउँदै अबीर लगाएर बाइक ऱ्याली निकालेको देखियो। तथापि, यस्तो कोरोना संक्रमित कालमा पनि चुनाउ आयोगले जारी गरेको निर्देशलाई कुनै प्रकारको पर्वाह नगरी विजय जुलूस निकालेर चुनाउ आयोगको निर्देशलाई सोझै रूपमा उल्लङ्घन गरेको देखियो।