सिलगढी नगरनिगमले शिविरको माध्यमद्वारा 100 जनालाई प्रदान गर्‍यो बिल्डिङ प्लान

सिलगढी :  सिलगढीको बाघाजतीन पार्कमा बिल्डिङ प्लान शिविरको माध्यमद्वारा नगरनिगमका प्रशासक गौतम देव लगायत प्रशासक बोर्डका सदस्यहरूले 100 जना मानिसहरूलाई बिल्डिङ प्लान तथा साइट प्लान प्रदान गरे। प्राप्त जानकारीअनुसार धेरै समय अघिदेखि बिल्डिङ प्लान तथा साइट प्लान थाँतीमा रहेकोले आज एउटा शिविरको माध्यमद्वारा मोठ 100 जनालाई उक्त प्लान प्रदान गरियो। यस अवसरमा गौतम देवले भने, धेरै समय अघिदेखि सिलगढी सहरवासी बिल्डिङ प्लान तथा साइट प्लानदेखि वञ्चित रहेका थिए। वर्तमान नगरनिगम बोर्ड कार्यमा विश्वास गर्ने भएकोले साधारण मानिसहरूको हितमा तिनीहरूको असुविधालाई ध्यानमा राखेर एउटा शिविरको माध्यमद्वारा तिनीहरूलाई बिल्डिङ प्लान तथा साइट प्लान प्रदान गर्ने निर्णय लिएको तिनले बताए। नगरनिगमले मोठ 386 वटा साइट प्लान र 396 वटा बिल्डिङ प्लान दिइने निर्णय लिएको छ भने आज बिल्डिङ प्लान शिविरको माध्यमद्वारा 100 जनालाई प्लान प्रदान गरियो भने आगामी दिनमा शिविरको माध्यमद्वारा पट्टा प्रदान गरिने तिनले बताए।


जवाफ लेख्नुहोस्

तपाईंको ईमेल ठेगाना प्रकाशित हुने छैन ।

This site is protected by reCAPTCHA and the Google Privacy Policy and Terms of Service apply.