सिलगढीको 33 नम्बर वार्डमा वार्ड उत्सव ‘उन्मिलन’ शुरू

सिलगढी : रङ्गारङ्ग शोभायात्राको माध्यमद्वारा सिलगढीको 33 नम्बर वार्डमा वार्ड उत्सव ‘उन्मिलन’ शुरू भयो। वार्ड उत्सव ‘उन्मिलन’-को आज उद्घाटन गरियो। आगामी 2 जनवरीदेखि 20 जनवरीसम्म उक्त वार्ड उत्सवमा आवृति, सङ्गीत, नृत्य, विभिन्न प्रतियोगिता, मेगा स्वास्थ्य शिविरको आयोजना गरिनेछ। उक्त वार्ड उत्सवको समापनको दिन चर्चित गायक राघव चट्टोपाध्यायको कार्यक्रम सम्पन्न हुनेछ। वार्ड काउन्सिलर तथा नगरनिगमका मेयर गौतम देवले झण्डा उत्तोलन गर्नको साथै बेलुन उडाएर वार्ड उत्सवको उद्घाटन गरे। आज शोभायात्रामा वार्डको विभिन्न विद्यालयका विद्यार्थी, खुद्रा व्यवसायीदेखि लिएर सबै उमेरका मानिसहरू सामेल थिए। यस अवसरमा मेयरले भने, सिलगढीको एकता संस्कृतिलाई बढावा दिने उद्देश्य लिएर सहरको प्रत्येक वार्डमा वार्ड उत्सवको आयोजना गर्ने गरिन्छ। वार्ड उत्सव दिसम्बर र जनवरीभरि वार्ड उत्सवको आयोजना गर्ने गरिन्छ।