सिटोङ (निसं): राज्य सरकारको सम्बन्धित विभाग अनि जीटीएको संयुक्त आयोजनामा दुई दिवसीय सुन्तला महोत्सव 2023-को दोस्रो दिन आज सिटोङमा एउटा विविध कार्यक्रमको साथमा भव्य रूपमा मनाइयो। उक्त समारोहमा प्रमुख अतिथि हर्टीकल्चर विभागका मन्त्री अरुप रोय, एडिसनल प्रिन्सीपल सेक्रेटरी डा. सुब्रतो गुप्ता (आईएएस), जीटीए प्रमुख कार्यपाल अनित थापा, जोइन्ट सेक्रेटरी कस्तुरी सेन गुप्ता, प्रिन्सिपल सेक्रेटरी जीटीए प्रीति गोयल (आईएएस), जीटीए सिन्कोना विभाग सभासद रतन थापा, जीटीए हर्टिकल्चर निर्देशक सोनाम भुटिया लगायत स्थानीय मानिसहरू उपस्थित थिए।
मन्त्री अरुप रोय अनि जीटीए कार्यपाल अनित थापाले समयुक्त रूपमा उद्घाटन गरेको सुन्तला महोत्सव अवधि आज शनिबार दोस्रो दिन स्थानीय कलाकारहरुले विविध रंगारंग सांस्कृति कार्यक्रमहरू सहित सुन्दर नृत्यहरू पनि प्रस्तुत गरेका थिए। यसवाहेक, कार्यक्रमको सभास्थल परिसरमा किन-बेच गर्न विविध स्टलहरू पनि राखिएको थियो।