शिवखोलाको खुन्द्रुको बस्तीमा काजीमान तामाङको भान्सा घर जलेर खरानी

खरसाङ (निसं): खरसाङ देवराली समष्टिको चिमनी देवराली ग्राम पञ्चायतको उत्तर शिवखोलामा रहेको खुन्द्रुको बस्तीमा राति काजीमान तामाङको भान्सा घर आगलागीमा जलेर खरानी भएको छ। उक्त आगलागीमा भान्सा घरमा राखेको सबै सर समानहरू लगायत राशनहरू जलेर नष्ट भएको छ।  उक्त आगलागीमा भान्सा घर सबै जलेर नष्ट भएको छ। काजीमान तामाङको परिवारमा मोठ चारजना सदस्यहरू छन्। उक्त आगलागीको घटनापछि चिमनी देवराली ग्राम पञ्चायतका कर्मचारी विनोद तामाङ तथा ग्राम पञ्चायत सदस्य दिपेस थापा घटनास्थलको निरीक्षण गर्न पुगेका थिए। पञ्चायत सदस्य दिपेस थापाले पीडित परिवारसित भेट गरेर सक्दो सहयोग गर्ने वचन दिएका छन्। तिनीसित सहयोगीहरू प्रवीग तामाङ, बिजय गोले, करिना राई, निता राई, सुदिप राई, जीवन राई, महेन्द्र राई, दिपेस तामाङ आदि पनि उपस्थित थिए।