सोनादा क्षेत्रको क्वारेन्टाइन सेन्टरहरूको परिभ्रमण गरे विनय तामाङले

सोनादा : गोर्खा जनमुक्ति मोर्चा केन्द्रिय अध्यक्ष विनय तामाङले आज दार्जिलिङ महकुमा अन्तर्गत पर्ने रङ्गबुल, धोतरिया, बालासन, कलेजभेल्ली अनि मिलिङ्ग चियाबारीको भ्रमण गरे। आजको भ्रमणावधि विनय तामाङले यस इलाकामा रहेको कम्युनिटी क्वारेन्टाइन सेन्टरहरूमा बस्नेहरूसित भलाकुसारी गर्नको साथै माक्स, सेनिटाइजर, खाद्य समाग्रीहरू वितरण गरे। यसको साथै स्वास्थ्य कर्मिहरूलाई पनि माक्स र सेनिटाइजरहरू वितरण गरे। यस अवसरमा रङबुल धोतरिया समष्टि जीटीए सर्भिलेन्स समितिका समन्वयक राजेश चौहान पनि उपस्थित थिए। केही दिन अघि  दक्षिण दिनाजपुर जिल्लामा सडक दुर्घटनामा परेर ज्यान घुमाउने तपन खण्डका खण्ड विकास अधिकारी छोगेल मोक्तानको  मिलिङ्ग चियाबारीस्थित घरमा पुगेर अध्यक्ष विनय तामाङ, राजेश चौहान अनि अन्यले शोक सम्वेदना प्रकट गरे।