स्पेनबाट सिलगढी फर्किएकी युवतीको घरमा पुग्यो मेडिकल टीम

सिलगढी : सिलगढीको 24 नम्बर वार्ड निवासी एउटी युवती दुईदिन अघि स्पेनबाट फर्किआएकी थिइन्। चिकित्सकहरूले तिनलाई होम क्वारन्टिनमा बस्ने सुझाउ दिएको थियो। घर फर्कि आएपछि उक्त युवतीले आफ्नो कुकुर साथमा लिएर इलाकामा घुम्ने गरेको स्थानीय मानिसहरूको भनाई रहेको छ। स्थानीय मानिसहरूले पार्षद शंकर घोषलाई यसबारे जानकारी गरापछि आज पार्षद र स्वास्थ्य विभागका चिकित्सकहरू युवतीको घर पुगेपछि तिनका परिवारका सदस्यहरूले तिनीहरूसँग दुर्व्यवहार गरेको बताइएको छ। मानिसहरूलाई जागरूक रहने सुझाउ दिए तापनि जागरूक हुनको बद्ली उल्टै दुर्व्यवहार गरिरहेको पार्षद् घोषले बताए। युवतीलाई होम क्वारन्टिनमा बस्ने सुझाउ दिए तापनि तिनी पुणेबाट यात्रा गरेर सिलगढी फर्किएपछि सिलगढीस्थित तिनको घरको इलाकामा घुमफिर गरिरहेको बताइएको छ। हाल, यसबारे स्वास्थ्य विभागको तर्फबाट उच्च अधिकारीहरूलाई खबर दिइएको छ।


Leave a Reply

Your email address will not be published. Required fields are marked *