सिलगढी : स्टुडेन्ट क्रेडिट कार्डको आवेदन गरे तापनि धेरैजना विद्यार्थीहरूले पढाईको लागि ऋण (लोन) पाएका छैनन्। राज्य सरकारको तर्फबाट विद्यार्थीहरूको लागि उक्त परियोजना लागू गरे तापनि विद्यार्थीहरूले यसको लाभ उठाउन पाएका छैनन्। मुख्यमन्त्री ममताले आज सिलगढीमा आयोजित प्रशासनिक बैठक अवधि स्टुडेन्ट क्रेडिट कार्डबारे सम्बन्धित अधिकारीहरूसित चर्चा परिचर्चा गरिन्। तिनले भनिन्, विभिन्न जिल्लाको रिपोर्टहरू हेरिसकेको छु, हुनसक्छ विद्यार्थीहरू ब्याङ्कमा जाँदैनन् अथवा ब्याङ्कले तिनीहरूलाई उक्त परियोजनामार्फत् ऋण दिएको छैन भन्ने कुरा कुनै स्पष्ट भएको छैन। यसैले यसबारे विस्तृत जानकारी आफूलाई दिनुपर्ने सम्बन्धित अधिकारीलाई आज मुख्यमन्त्री ममताले निर्देश दिइन्।