स्वयम्‌सेवी संस्थाद्वारा सडक आरोहीलाई दीयो वितरण

सिलगढी : दिपावली अर्थात् तिहार आउन अब केही दिन मात्र बाँकी रहेको छ। यसैले दिपावलीको अवसरमा पटेका नपड्काएर आ-आफ्नो घरलाई दीयोले सजाउने भन्दै स्वयम् सेवी संगठनले मानिसहरूमा जागरूकता फैलाउने उद्देश्य लिएर एउटा अनौठो पहल गरेको छ। आज संस्थाद्वारा सडक आरोहीहरूलाई माटोको दीयो वितरण गरियो। एकातिर सिलगढीको बजारमा विभिन्न प्रकारको  विदेशी लाइटहरू बिक्रीमा राखेको छ भने अर्कोतिर उक्त संस्थाले साधारण मानिसहरूलाई निःशुल्क माटोको दीयो वितरण गरिरहेको छ। संस्थाका सदस्यहरूले एउटा भ्यानमा माटोको दीयो सजाएर सहरको विभिन्न ठाउँहरूमा घुमेर मानिसहरूलाई उक्त दीयो वितरण गर्नको साथै यस वर्षको दिपावलीमा आ-आफ्नो घरमा दीयो बालेर दिपावली मनाउने अपील गरिरहेका छन्। संस्थाका कर्ताधर्ता राकेश दत्तले बताएअनुसार चाइनीज लाइट र पटेकाबाट मानिसहरूलाई टाढा राख्ने उद्देश्य लिएर उक्त पहल गरिएको हो।