तस्करी गर्न अगावै सुगाहरू सहित एकजना तस्कर पक्राउ

सिलगढी : गोप्य सूचनाको आधारमा अभियान चलाएर तस्करी गर्न अगावै सिलगढीको नौकाघाट इलाकाबाट 27 वटा सुगा उद्धार गरेको छ। घटनामा एकजना व्यक्तिलाई पनि पक्राउ गरेको छ। पक्रा परेका व्यक्ति बाघडुग्रा थाना अन्तर्गत भुजियापानी इलाका निवासी गोपाल कुन्डूको रूपमा चिन्हित गरिएको छ। प्राप्त जानकारी अनुसार धेरै दिन अघिदेखि गोपालले जङ्गलबाट सुगाहरू पक्रेर सिलगढी सहर संलग्न इलाकामा चोर बाटो भएर तस्करी गर्ने गर्दछ। गोप्य सूचनाको आधारमा बैकुण्ठपुर डिभिजनको डाबग्राम रेञ्जका वनकर्मीहरूले नौकाघाट इलाकामा अभियान सुगा सहित तस्कर गोपाल कुन्डूलाई पक्राउ गरेको बताइएको छ। यसको साथै गोपाल कुन्डूको घरमा छापामार अभियान चलाएर अझै केही सुगाहरू उद्धार गरेको छ। जफत गरेको सुगाहरूको उपचार गरेपछि जङ्गलमा छोडिदिने वन विभाग सूत्रले जनाएको छ।